4 فنانات معتزلات بالحجاب، شنو كانوا ووين صاروا.

قياسي

هاي بنات
بدخل بالموضوع على طول



الفنانة الأولى: سـماح








سماح اعتزلت التلفزيون سنة 2001 وكان أخر عمل تلفزيوني لها اسمه (بيوت من ثلج) بعدها تحجبت وصارت تمارس هوايتها بالتمثيل بس بالإذاعة من خلال المسلسلات الإذاعية. وأنا كل رمضان أتابع لها مسلسلات إذاعية يعني تمثل من مسلسلين إلى 3 مسلسلات في إذاعة الكويت مع أشهر الممثلين منهم سعاد وحياة. وكذلك لها برامج دينية. المهم انها مستحيل تطلع بالتلفزيون
بس جد لها وحشة وتمثيلها روعة.

حبيت منها: بيت تسكنه سمرة >> سنة 96 الي تكون دورها تحب واحد لبناني وما يقدر يتزوجها لانها كويتية

الطير والعاصفة >>> الي تكون بنت حياة الفهد وتدرس بالجامعة روعة دورها


داوود شو >>> مع داوود حسين


خطوات على الجليد >>> دورها تكون ممثلة مشهورة ويحبها مخرج



هذا بالاضافة الى مسرحيات الاطفال


والي يسأل عن جنسيتها: سماح سورية الأصل بس عايشة بالكويت من زمان


صج صج مشتاقة لها احب تمثيلها وايد ومن اشوفها انها تحجبت استانست..



&&&&&&&&&&&&&&&&


الفنانة الثانية: رشـا مصطفى





هذي الفنانة مصرية لكنها عايشة بالكويت واول ادوار لها كانت تتكلم مصري بعدين قامت تاخذ اداور كلها بلهجات كويتية

مادري احبها مع ان مافيها شي مميز بس همن احب تمثيلها. اعتزلت المسلسلات وبعدين تحجبت وبعدها

قامت تطلع بدعايات على التلفزيون عن التوعية والزكاة. وبعدين انقطعت عن التلفزيون مولية وصارت تمثل

بمسلسلات إذاعية مثل سماح. اخر مسلسل لها كان " دروب الشك " ب 1999


&&&&&&&&&&&&&&&&&&&&&


الفنانة الثالثة: رجـاء محمد





سورية الأصل لكنها عايشة بالكويت من زمان

وماراح اتكلم عنها لأن بنقل لكم كلام وحدة كويتية اسمها هديل شافتها من جم شهر بتركيا وشوفوا شنو قالت:


فنانة عاشت في مخيلتي سنين رغم اني مو من الجيل الي اظهرت واعتزلت فيه !

والغريب اني لقيت 80 % من ابناء جيلي يحملون لها نفس الشعور !






دعوه لك عزيزي القارئ بأن تكتب اسم ( رجاء محمد) في قناة اليوتيوب وتشوف الكم الهائل من الإعمال الي قدمتها

ولكن

هل راح تتفاجأ لو عرفت بأن كل اعمالها من مسلسلات ومسرحيات واوبريتات وسهرات تلفزيونيه وبرامج للاطفال قدمتها في خمس سنوات فقط !


لعبت ادوار البطوله مع الفنانين الكبار وهي في سن 17 عام

وساهمت مع مجموعه كبيره من الفنانين في تأسيس أول مسرح للطفل في الخليج عام 1978





وبعد خمس سنوات سيطره على افكار المنتجين والجمهور اختفت رجاء بشكل مفاجئ وتركت ورها كنز جمعته في 5 سنين فقط




شنو السر في عدم نسيانها ؟

يمكن جواب المسأله هو :-

صوت عذب + اداء مقنع + احترام للذوق العام + انوثه طاغيه + خجل غير مصطنع = رجاء محمد



*

تناقلت الصحف الكويتيه في عام 2007 عن عودة الفنانة المعتزله رجاء محمد للتمثيل ( اذاعيا )


استبشرت خير بهالخبر وتفاءلت بعوده بسيطة لصوت البراءه والعفويه المرتبط في هالانسانه


ومن فتره طويله وانا في كل مشوار لي في السياره افتح على اذاعة الكويت واتأمل اصوات الفنانين لعل وعسى . لكن


كغيري من جمهورها دائما كان يدور في بالي اسأله عن شكلها حاليا بعد مرور 26 سنه على اعتزالها ؟

وشنو سوت السنين في وجهها الطفولي ؟



سافرت في اجازة الصيف الي فات إلى تركيا .. وانا في احد المقاهي على نهر صغير لفتت نظري أسره كويتيه من ام وبنتها وولدها الي تقريبا في مثل عمري وعرفتهم من لهجتهم .. ولان مكانهم كان مميز وقريب وايد من النهر والشلال قررت اقترب واوفق بالمكان قريب من الشلال .. ولا كنت اعرف إن المكان خطر لان الالواح الخشيبيه كانت تتحرك من مكانها ,, وانا متجهه له نادت علي بنتهم ( الي كان بيني وبينهم بس خطوه) تقوليلي خلي بالج الخشب يتحرك

إلتفت عليهم لكن طاحت عيني على الأم

رجــاء مـحـمـد

اقسم برغم كل هالسنين الي مرت وعلى العبايه والملفع إلأ إن ملامحها لو تشوفها من بعد 5 كيلو تعرف أنها رجاء محمد
ماتغيرت ابد حتى نفس الهدوء نفس النظرات

(تفاجأوا اهلي اني سحبت كرسي وقعدت معاهم )

طبعا بعد ماقعدت امدح فيها واسلم واتكلم عن عشقي لها وطبعا ترد بخجل .. سألتها عن موضوع الاذاعه قالت صحيح فكرت اكثر من مره ارجع الاذاعه لان عيالي كبروا وبنتي الكبيره تزوجت وانا توني من شهرين صرت جده .. وخصوصا اني ما اشتغلت بعد زواجي باي جهه حكوميه والحين بديت امل لكن رجعه للتلفزيون (اعتقد مستحيل)

استغربت رجاء اني اتذكرها واعرف كل اعمالها وانا ولدت بعد اعتزالها بأربع سنين ؟

(ولو يا أم عبدالله الفن الاصيل ماينسي ولا ينتهي )


ولدها يدرس حاليا بالمعهد العالي للفنون الموسيقيه ويغني في جلسات على التلفزيون وناوي بعد تخرجه يصير مطرب ..




ام عبدالله صحيح الدنيا صغيره طلعنا ساكنين في نفس المنطقه من 7 سنين !

وقبلها إحنا عايشين في نفس البلد ,, و التقي فيج بهالمكان ! اكيد مكتوب لي اقعد معاج واحقق حلمي ..




لكن الفن محتاج امثالج بعد ماتشوه من اشباء الفنانين


تعبنا من قلة الحيا والجرأه واشتقنا للبراءه والفن الراقي




مـتـى الـرجـوع يـا ام عبدالله ؟



&&&&&&&&&&&&&&&&&&&&&&&&



الفنانة الرابعة: شمـايل




وبعد التوبة




ويصيرلها الشيخ احمد القطان مادري نسيت اسمه الي لحيته برتقالية بس مادري شنو بالضبط يصيرلها

طبعا هالفنانة طلعت واشتهرت بالتسعينات ومع سنة 2000 اعتزلت مولية واختفت عن الأنظار ولا احد درا

عنها شي. واذكر بمجلة الجريمة كتبوا عنها من بعد الاعتزال انها قامت تحضر ندوات دينية وهذا الي خلاها تعتزل

الغناء والحين شمايل صارت داعية اسلامية بالكويت




وشكرا



تعليق


الله يهيدنا ويثبتهم على طريق الهدايه





تسلمين حبوبه


تعليق


الله يثبتهم


تعليق


حياكم بنات
نورتوووا


تعليق


الله يهدينا جميعااا


تعليق


حياكم بنات


تعليق


الله يهديهم ويثبتهم





امين


تعليق


حياج حبيبتي


تعليق


مشكوره حبيبتي موضوعج روووعه الله يهديم ويثبتهم


تعليق


الله يثبتهم


تعليق


الله يهديهم ويثبتهم


تعليق


الله يهديـهم


تعليق


الحمدلله اللي هداهم





يسلمووو


تعليق


الله يثبتهم





مشكوورة


تعليق


واي يارجاء محمد اموت فيها

وهم اللي كنت احبها وسلكت مسلك هالفنانات وتابت الله يثبتهم يارب (( استقلال احمد )) ياحلوها وياحلو تمثيلها عليها ابتسامه ساحره مو طبيعيه

اذكر البنات فيها اهي اللي كانت زوجة خالد النفيسي الله يرحمه بخالتي قماشه المربره الحلوه >> خلاص عرفناها ه






يسلمو حبيبتي على الموضوع اللي عيشتيني فيه تسلمين


تعليق

---

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>