وسواس الموت

قياسي

السلام عليكم
من فتره اعاني من وسواس الموت
اخاف من طاري الموت صارلي 10 شهور وانا على هالحال
كل يوم ابجي واحس الدنيا سودا اخاف انام بروحي كله احس اني بموت


ولا اطلع من البيت اخاف اركب السياره واذا اركب طول الطريق ادعي واتشهد من الخوووف
اول بدايه جاتني اعراض دوخه وتنمل وضيقه واطرافي تبرد ورحت المستشفى قالو مافيني شي




وعلى هالحال كل فتره يجيني تعبت


كل يوم اقول اكيد اليوم راح اموت ولا اعيش يومي كله متضايقه ومهمومه
كله افكر في امي وصديقتي اذا متت احاتيهم اكثر من نفسي
ماادري تعبت مع اني اصلي والأذكار مااتركهم بس هالوسواس مو راضي يروح
ساعدوني شسوي؟ ادعولي


تعليق


شوفي يالغاليه .


انتي ماراح تموتين قبل يومك .

حبيبتي خلي هالمعلومه براسك (كلنا بنموت ) حتى ملك الموت بيموت .ماراح يبقى الا رب العزة والجلال .

وتفكيرك هذا عن الموت وساوس شيطانيه . الشيطان بيحزنك .





شوفي الناس اللي يدرس واللي بيتزوج ...واللي يبني ناطحات سحاب ..واللي .واللي...وكلهم عارفين انهم بيموتون ومع ذلك عايشين حياتهم .


وحاولي ماتنعزلين وتقعدين لحالك اذا جالك هالتفكير .اختلطي مع الناس

الله يشفيك حبيبتي وان شاء الله البنات بيفيدونك ...


تعليق


نفسي بالظبط والله ورحت لشيخ قال فيني عين

انا حيل ولدرجه اشرف الدنيا تفتر قدامي وتسود وعقب ترد


تعليق


لازم تشوفين طبيب نفسي أو أخصائي نفسي وإذا كنت تعرفين شيخ ثقة أفضل تشرحين له حالتج لأن هذا وسواس شيطاني يحاول يخليج حزينة على طول الله سبحانه وتعالى يقول ( وما كان لنفس أن تموت إلا بإذن الله ) الموت مقدر للإنسان ولا يمكن يتأخر الآجل أو يتقدم ولو ساعة وحدة ومع طول خوفك هذا أنتي ما متي ولله الحمد.




أقري أو أسمعي سورة البقرة خصوصاً بتدبر ونزلي مقاطع رقية وسمعيها وبإذن الله ينصرف ما فيك.
من يوسوس لج لا يعلم ساعة الوفاة لأنه أمر غيبي


تعليق


الموت حق وكلنا بنموت والحمدلله انتي مصليه مسميه وهذا اهم شي

توقعي الموت بأي لحظه وتعايشي معاه عادي والموت نفس النوم لازم يحدث وما اعتقد في انسان ماينام


تعليق


حبيبتى لازم اتكلميني على الخاص ظروري


تعليق


نفسي
أنا قبل جاني وسواس في الموت وتوي ماكان عمري 8 سنوات حتى t_t
والعن منك كنت اخاف لا آكل بعد عشان ما أغص وأموت t_t
وأشياء كثير




كلميني ع الخاص



تعليق


الله يكون يعونك


تعليق


انا مثلج احياانا و احنا في السياره اسم الله علينا احس بتقلب فينا الله يلعنك يابليس يوسوس لنا و يستانس لأنه نصدقه t_t
.الحين جبرت نفسي مافكر هالتفكيير لأن كلن مايموت الا بيومه ومايصير الا المكتوب





لا و ساعات احس اني بيوم من اليوم بصير اسيره مادري شاللي يخلييني افكر هالتفكير


تعليق


للأسف مر علي هالشي


تعليق


ربي يبعد هالوسواس عنا
بنات مااقدر ارسل ع الخاص لأنه مشاركاتي قليله
والله اللحين احس مخنوقه ماتت وحده نعرفها الله يرحمها ضايقه فيني الدنيا




الله يعين


تعليق


راح ارسلك عالخاص بس مو الحين
لاني مشغووله وبخرج
وقومي الحين اقري قرآن وصدقيني بيريحك




وربي يشرح لك صدرك
يارب


تعليق


الوسواس أياً كان نوعه بيحرمك المتعه بالحياه ويمنعك من التركيز على الحاضر والتخطيط للمستقبل ,بلاراده القويه تقدرين تتغلبين عليه


تعليق


استغفري ربج محد يموت قبل يومه والموت حق علينا ( كل نفس ذائقة الموت ) تري ايمانج وايد اضعيف كثري اذكار الصباح والمساء وبعد الصلاة تريح الانسان وعليج بالمعوذاات ولازم تأمنين بالموت لامحاله وتكونين مستعده له بأي لحظه قولي الحمدلله علي كل حال ودعي ياربي حسن الخاتمه *


تعليق


ارسلت لك عالخاص


تعليق

---

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>