مدرسة التربية النموذجية @

قياسي

السلام عليكم




خواتي اللي مسجلة عيالها بمدرسة التربية النموذجية اللي بشرق :


عطونا معلومات عن المدرسة من جميع النواحي :





تعليق


هلا يا قلبي ..
انا اخوي مسجلينه بهالمدرسه ... بس يا ربي مادري احس اخوي مو قاعد يستفيد شي بالمره .. بس فالحين يشفطون فلوس .. هذا غير الطلبات اللي كل يوم شكل .. وجم مره يرد مطقوق بعد عمري ..

احنا قبل كنا مسجلينه بالمدرسه الوطنيه الامريكيه وكان كل شي تمام .. والله حسافه لو تام فيها وايد أحسن .





تعليق


انا ولدي فيها, اول سنه له هناك, بصراحه المدرسه ممتازه من جميع النواحي, الاهتمام عندهم مو طبيعي بالياهل, ولدي مستانس حيل هناك وقاعده اشوفه اسم الله عليه قاعد يتطور وياهم..
واذا عالطلبات ماكو طلبات وايد, يعني كل شهرين يبون شي, مثلا اول السنه عشان عندهم برنامج تعليمي اطلبوا 10 دنانير حق الاشتراك, المره الثانيه بسوون باربيكيو ويابوا المنيو مالهم واسعارهم حلوه ما تتعدى الدينار, ومره اطلبوا دينار ونص حق طول السنه عشان كل خميس يروحون الجمعيه ويشترون اشياء حق اليهال. الي اشوفه ان طلباتهم معقوله وحتى الفلوس اذا بغوا ماهي مبالغ مبالغ فيها كلش والله, المبلغ الي ياخذونه بسيط حيل وحق طول السنه ..


تعليق


هلا أختي كليرومشكورة على المشاركة


تعليق


هلا نانسي إنزين ودي أعرف أكثر عن الستاف التعليمي ,


تعليق


شوفي الي اعرفه من الاستاف, مدرس النطق, والسباحه , والرياضه, مدرس الخزف, مدرس العربي والقران, في مدرسه مالت العلاج بالعمل, هذول غير مدرسة يوسف الاساسيه ومساعدتها, بصراحه كلهم ممتازين ومتعاونين لاقصى درجه, انا قلت لهم اي شي بمصلحة ولدي سووه له, ولا مره اشتكي ولدي من اي واحد فيهم, ساعات اطب عليهم فجاة بالمدرسه واشوفهم اهتمام باليهال موطبيعي سواء لولدي ولا للحالات الثانيه..

برمضان رحت حفلة القرقيعان مالتهم بالمدرسه وقعدت وشفت اشلون كل مدرس ماسك الطلبه ملوته اهتمام مو طبيعي صج, حتى في طالب الله يشفيه كبير ومعاق اعاقه بريوله, ريوله عويه شفت المدرس ماله والله اموقفه واهو ما يقدر يوقف بروحه, المدرس طول الحفله واقف وموقف الولد معاه ومره يرقص معاه ومره يمشيه ومره يشاركون بلعبه, والولد وايد مستانس من هالشي, وشفت مدرسه هم ماسكه طالبه وحاضنتها بشكل موطبيعي عشان البنت ما تخاف ولا تستعسر, وفوق هذا كله بالحفله المدسين كلهم ارقصوا مع اليهال, محد فيهم استحى بالعكس اهم يرقصون فالطلبه يتشجهون ويرقصون معاهم..

الزبده الطلبه بنفسهم يحبون الاساتذه هناك لاني لمست هالشي من عيونهم وحركاتهم وضحكاتهم معاهم, والله ان هالمدرسين وايد ارحم عالطلبه من اولياء الامور نفسهم, لان في ناس ما تدري عن عيالهم ولا حتى يسالون عنهم كلش..




على فكره حت الخدامات الي هناك وايد قلوبهم رحيمه عاليهال, تعالي شوفيهم اشلون يخدمونهم, واشلون يحاجونهم..

الله يشافي عيالنا وعيالكم ومرضانا ومرضاكم.. الهم امين..


تعليق


عساج على القوة ياناني ومشكورة على المعلومات القيمة


تعليق


الخدم عادي يرافقون ذوي الإحتياجات الخاصة؟


تعليق


الخدم عادي يرافقون ذوي الإحتياجات الخاصة؟؟؟


تعليق


رفع


تعليق


انا نفس كلام ناني بالضبط لا طلبات و لا هم يحزنون .بس الاشياء اللي قالت عنها اللي اهي 10 دنانير و دينار و نص للجمعيه

و الباربكيو هذا يكون يوم تعليمي انا رحت شفتهم الاولاد و البنات الكبار يطبخون و اليهال الصغار يشترون فوايد حلوه الطريقه

و عيد ميلاد حمودي سويته عندهم .سووه بالصاله و رتبوا الطاولات و مدرسه الموسيقى تعزف على الاورج و الاستاذ صوته حلو يغني لليهال





و بعدين شغلوا لهم اغاني و قام الكل يرقص .انا وايد استانست و قلت تسوى الفلوس اني اقطها على هاليهال و لا على حفله ايوونها الاهل


تعليق


أهم شي راحة عيالنا ومادام هم يرتاحون بالمكان ويتقبلونه ويشتاقون له هذا أهم شي والمادة (الفلوس) بالمرتبة الأخيرة جدام راحة عيالنا .


تعليق


زين والله سويتي عيد ميلاده هناك امون..
انا امفكره اسويه هناك بعد, عيد ميلاده الاسبوع الياي وامفكره اني اوديله كيكه, انت شنو وديتي عشان اسوي مثلج..؟ :-)


تعليق


أمون سامحيني ماثبت على حفلة الغالي يعل كل أيامه أفراح ونجاح




إنزين ماجاوبتوا على سؤالي : عادي الخدم يرافقون الطالب إذا كان عمره 7


تعليق


شوفي في طالب بصف يوسف كانت خدامته كل يوم تيي معاه وتقعد عنده, شوي شوي ليما ما قامت تيي لان الولد قام يتحسن ويقدر يخلي خدامته, ترا خدامته اهي الي امربيته واهي مثل امه, انا كلمتها كانت تقولي انها تحبه حيل وانها مستحيل تفارقه..




اعتقد اذا ولدج حالته تستدعي ان خدامته معاه راح يوافقون عليها المدرسه بس لفتره على ما يتعود الولد عالمدرسه وبعدين ماراح اتطرشينها معاه...


تعليق

---

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>