عيالج يسبونج.شفت ولد يسب امه ورده فعلها !!!

قياسي

هلا يا امهات شخباركم


يا محفوظين السلامه كنت امس العصر رايح السوق وانا اتفرفر




ولا اسمع ياهل يقول لوحده لا يا حماره ما ابى لا يا حماره لا يا حماره

عاد شوى ولا ايون صوبى ولا طلعت هذه الحماره اللى يناديها امه



عفيه عليج خوش ام

اهو عمره تقريبا 4 سنوات يعنى يفهم تقوله جرب قايس هذه يقولها لا ياحماره طبعا ما تقوله شى





تقوله لا تعال قيس لا ازعل عليك يعنى يسبج ما تزعلين ما يقايس تزعلين

صراحه لوعت جبدى استغرب اشلون الناس تربى بالطريقه اذا هو شبر ونص ويسبج ويطقج اشلون باجر

وفى ناس عيالها تطقها وتسكت لها ليش عسى ما شر

ليش ما يربون عيالهم صح صراحه انا قمت اشوفها وودى اقوله عيب تسب امى بس قلت اللى اهى راضيه خلها قلعتها


اشرايكم ترضون عيالكم يسبونكم ويمكن تحطون انهم ما يفتهمون وصغار !!

او يطقونكم!!

صراحه عندى 5 عيال اسم الله عليهم عمرهم محد سبنى ولا طقنى


شى غريب!


تعليق


ام الله يعينها صراحة

انا بنتي 3سنين ونص احيانا تمد ايدها اذا كنت اهاوشها او اذا طقيتها بايدها
تبجي وتمد ايدها علي بس وقتها اطالعها فهي تطالعني تدري ان اللي سوته غلط
واسكت عنها اقولها عيب اطقين ماما
واحيانا تقول جبي وحمارة اقولها عيب بس صغيرة اعصب عليها حرام

بس اقولها عيب ماما فتفهم وتقول خلاص ماما وتبوسني بس هم نرد لنفس السالفه دايما






ودي اخليها مؤدبه وماتفشلني قدام الناس
بس اهي الحمدلله قدام الناس تستحي شوي بس اللي تعرفهم عدل لا عادي عندها

والمشكلة الحين صايرة بس تناديني باسمي ماتقول ماما؟!! فضحتني بالسوق بالجمعيه بكل مكان تصايح باسمي

مدري شسوي اقول لما تكبر وتفهم وقتها اعاقبها واتفاهم معاها ما ابي اكسر بشخصيتها وتصير ضعيفه


والله ياليت اللي عندها خبره بهالامور تفيدنا


سوري طولت عليج بس فضفضه بالقلب

ويعطيج العافية


تعليق


لا طبعا صورة بشعه ومو شي جدام الناس ... حتى بروحها معاه المفروض ما تسمحله ... بس ما تدرين شنو ظروف تربيتها حقه ... بعد لازم ما نلوم الكل ونحاول ندور اسباب حق اسباب .




بس دام ان الموضوع مطروح . بالمره نتعلم
بالحاله هذي شنو اسوي ؟؟؟ اتجاهل؟؟؟ اعاقب ؟؟؟ او شسوي؟؟؟


تعليق


4 سنين فااهم ليش سااكتة عنة
لكن اذا اصغر نعااقبة نحقرة نقوولة عيب




انا ولدى الصغير يعاند ويقولى جب عمرة سنتين و10 شهور وكلة اقوولة عيب واقولة شوف اخوااانك مايقولون كلاام وصخ لامهم يحبونها
اصلن لو يقول جذى جدام احد استحى


تعليق


التعليم منذ الصغر
لا تقولون سنه صغير...الجاهل من يطلع من بطنج تعلمينه
انا مثلا بنتي عندها عيب خلقي فالقلب والدكتور يقولون قد ما تقدرون لا تبجونها.ومع هذا ربيتها التربيه الصحيحه وبتوجيه من ناس كبار طبعا
وطرق تعليميه عظيمه.ساعات تبجي بس احاول قد ما اقدر اني اهاديها بس بدون ما احسسها اني خايفه انج تبجين
وما ارضى تصرخ وتعلي صوتها حتى على الخدامه.لان عيب باجر عند الناس تغلط وتقول اي كلمه علي شنو بيصير رد فعلي جدام الناس لا قالوا بنتها قليلة ادب واكيد ان امها مو مربيتها مو فاضيه لها قاطتها على الخدامه...نستغرب حركات ناس ونسوي نفسهم




انا معلمتها حتى اذا تريد شي تقول لو سمحتي سواء لي او لغيري...وعندي خالي دكتور نفسي قال تقدرين تربينها من تطلع من بطنج ليما اتم 8 سنين...بعدها محد يقدر يعوجها ولا حتى رفيجاتها...لان بهالعمر من الولاده الى 8 سنين الطفل يكون معدل ذكاءه مرتفع وما اثر عليه شي من التكنولوجيا او علاقاته الاجتماعيه يعني لو تعلمينه فرنسي يتعلم...ونسيت اقول لكم خالي قال امنعيها من التلفزيون ليما يصير عمرها 3 سنين
واذا تعرفت على التلفزيون خليها تقعد على حلقه وحده من الرسوم او حددي لها وقت معين.وفعلا بنتي صج دلوعه بس محترمه الكل حيل


تعليق


تصدقين هالموضوع باط جبدي مرة شفت وحده زفت بنتها عمرها تقريبا 4 سنين عشان سوت شي غلط ردت البنت جبي يالخايسه وتفلت عليها انا مو بس انبهرت الا طلعت عيني وقتها ماكنت متزوجه كان ودي احط الياهل وادوس ابطنها بس قلت دام الام راضية وساكتة انا شكو ؟؟؟
وقبل شهر بنتي كانت مريضة وديتها عند الدكتورة على ماصار دورها شفت العجب والله ولد يطق امه ويتل حجابها وقلها ما ابي ياحمارة بس عشان قالته اقعد لاتنط على الكراسي تصدقين ولاطقته ولا قالتله عيب ولاخزته؟؟؟




انا عيوني طلعت شنو هالتربية؟

لما قلت حق خواتي قالو اكيد الابو يعامل الام بهالطريقة وموحاطلها شخصية عشان جذي الولد متعلم
الله لا يبلينا انشاء الله بعيد الشر



تعليق


ابيه والله صج . عيب هذا اولها جذي شلون لي كبر لاحول ولاقوه الا بالله


تعليق


انا عمر بنتي سنتين ما ادري من وين متعلمه عزكم الله يا حيوانه ما ادري شنو التصرف الصحيح معاها اول مره سمعت منها سويت روحي مو سامعتها قلت يمكن اسمعتها من احد وراح تنساها شفتها بعدين لا قامت تقولها بوقتها عاد قمت وطقيتها على حلجها بعدين ما تقولها جدامي بس اسمعها تقول حق اليهال شسوي معاها يا ربي


تعليق


ماكو تربيه


تعليق


لله يكافينا الشر

وانشالله عيالي مايسبوني


تعليق


انا طفارتي الجاهل اللي يسب امه

انا عيالي الحمد لله يحترموني ويخافون ي اصلا حتى ولدي لما بسب اخته ااهوشه مع انها اصغر منه بس لازم يتعلم هذا الكلام عيب ما نقوله احنا متربين


تعليق


ولد حماي مو بس يقول حماره حتى يتفل على امه وعلى يدته

وساكتين عنه

بس اخاف يوم ايسوي هالحركه لي اطقه على حلجه ه

المشكله ماكواحد يربيه ولا جان تسنع

بس اتوقع خلاص فات الاوان والولد صار عنده هذا شي عادي





منعوه يقول زقاير بس مامنعوه من انه ما يقلل من احترام امه وجدته


تعليق


الله يصلحهم يارب ويهديهم تربيه العيال اهي اخلاق امهم وابوهم


تعليق


ولدي عمره سنتين قبل فترة لقط كلمة حمارة وانتوا بكرامة

بس ما كان يتجرأ يقول لي اياها بس كان يقولها حق اي شي لمن يعصب (( العابه مثلا ))





كنت احط له نقطة دقوس في حلجه كانوا يقولون لي حرام ومادري شنو

بس نساها واصلا صار يخاف يقولها

ترى والله اليهال اذكيا بس احنا نقول ما يفهمون


تعليق


اقتباس:
المشاركة الأصلية كتبت بواسطة l!ke a rose
ام الله يعينها صراحة

انا بنتي 3سنين ونص احيانا تمد ايدها اذا كنت اهاوشها او اذا طقيتها بايدها
تبجي وتمد ايدها علي بس وقتها اطالعها فهي تطالعني تدري ان اللي سوته غلط
واسكت عنها اقولها عيب اطقين ماما
واحيانا تقول جبي وحمارة اقولها عيب بس صغيرة اعصب عليها حرام

بس اقولها عيب ماما فتفهم وتقول خلاص ماما وتبوسني بس هم نرد لنفس السالفه دايما


ودي اخليها مؤدبه وماتفشلني قدام الناس
بس اهي الحمدلله قدام الناس تستحي شوي بس اللي تعرفهم عدل لا عادي عندها

والمشكلة الحين صايرة بس تناديني باسمي ماتقول ماما؟!! فضحتني بالسوق بالجمعيه بكل مكان تصايح باسمي

مدري شسوي اقول لما تكبر وتفهم وقتها اعاقبها واتفاهم معاها ما ابي اكسر بشخصيتها وتصير ضعيفه


والله ياليت اللي عندها خبره بهالامور تفيدنا


سوري طولت عليج بس فضفضه بالقلب

ويعطيج العافية
الله يخليها لج
شوفى مافى شى اسمه شخصيتها وتصير ضعيفه لا فى شى ابدها راح يعدل سلوكها يعنى ما يصير ما تعاقبينها عشان شخصيتها ولما تكبر وتكون شخصيتها تكونت تشوفج تعاقبينها راح تقول اشفيها
التعليم بالصغر كالنقش على الحجر يعنى اللى راح تتعلمه واهى صغيره راح يكون شخصيتها وتكون صح لانها تعلمت الصح من الخطا


تعليق

---

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>