صـور رحلتي لدبـي بـراس السـنة 2016

قياسي

مرحبا بنات

شخباركم


حبيت اوريكم صور رحلتي لدبي براس السنة



اللي كانت قبل جم يوم

طبعا سافرنا قروووب كل وحدة وريلها



نبتدي


اهنية طبعا بمطار الكويت قاعدين بالاستراحة ووراي طيارة الجزيرة




طبعا اغلبية المسافرين هنود لاعت جبدي لانهم بينزلون مطار دبي ترانزيت فصارو معانا بالطيارة

المهم وصلنا دبي بالسلامة

وقعدنا بفندق الشيراتون فووور بوينت

وهذا اللوبي




اهنية ممر الفندق



وهذي صورة الغرفة اللي قعدنا فيها طبعا لاحظو البوت يم السرير حدي خرعت الشتى عندهم واهمة جوهم
موت حر حدة ضاق خلقي




ريحنا شوي وقعدنا نفكر وين نروح.

وعقب التفكير العميق قلنا خنروووح هارد روووك كافيه نحتفل براس السنه


طبعا هذي صورة الهارد روك كافية من داخل طبعا كان كلة اجانب وزحمة ولوووية وفرقة كانت تعزف




وعيني طاحت على واحد منهم لابس نظاره شكبرها قلت الا اصورة وجكيتة جك جك




وكانو معلقين تفافيخ شكثر علشان بس تصير السنه اليديدة يبطلون الشبك




اهنية صارت السنه 2008








وقامو يصفقون ويصارخون تعرفون طبعا سوالف الاجانب واكثر واحد كان مستانس بو نظارات

شوفوه





المهم استانسنا وطلعنا واحنا رادين الفندق جان اشوووف هالافته استانست

هذي الكويت صل على النبي لول



المهم ردينا ونمنا نومة عميقة

يتبع. .



تعليق


وثاني يوم اول ماقعدنا من النوم

قررنا نروووح ونشوووق مجمع بن بطوطة

وهذا شكل المجمع من برة طبعا اهوة وايد فيه مداخل واقسام انا اللي صورته مدخل واحد


وهذا المجمع من داخل خوش نافورة



شاهدوا سقف المجمع والنقشات اللي فية يونس
جنه دراعه ام خماس
والاحلى النقشات اللي حطيتها على ويهي بالصورة لول




واهنية واحنا نتمشى بالمجمع ولااشوف محل ملابس رجالية كلها سطعه ولمعه واستراااس

شغل عدل مدل وبما اني اموووت عاللمعه قلت حق ريلي لازم ندخل

واي شي يزوووق القلب جاكيتات رجالية وتيشيرتات كلها استراس

جان امسك واحد من الجاكيتات واترجى ريلي يقايسة طبعا ريلي ما يحب هالسوالف

بس انا قلت له جربة منت خسران

واهوة يجربة جان اصورة بسرعه جك جك

والله عاجبني حلو ولا اشرايكم يابنات؟



وعقبها رحنا نتغدى بمطعم توني روما ايطالي

طبعا انا اموت بشي اسمة سلمون
على قولتهم قطوة لول









المهم قعدنا نتمشى بالمجمع وعقب ماخلصنا واحنا طالعين جان نشوووق منطاد وناسةة

قلنا الا نركبة



واهنية عقب ماطار فينا



وصورتلكم المنظر من فوق يشوق بس حاشني وسواس
قلت اخاف ينقطع الحبل ونطير لول




وهذي صورة من جهة ثاانية





يتبع.



تعليق


وعقب ماخلصنا

رحنا مول الامارات

ودايركت حق لسكي

طبعا هوايتي المفضلة

(طبعا هوايتي skatingبس ماكان فية كان مخصص skiing وبس

بسرعه بسرعه بدلت وتزهبت وركض دشيت


اهنية خذيت اللوح والله يستر
ميته خرعة وكلة يهالوة اللي معاي



باي بنات ادعولي


واي يما ا

صرخت صرخة مو طبيعية




واهنية شوفوهم وناسة





واهنية قررت العب لعبة ثانية وناسة

شووفو اشلون هالاله تسحبج لي فوق



واهنية وانا اتزحلق من فوق



واهنية من الخرعه مابيها تصعد فوق جان اوقفها بريلي واي ريلي طقة طقة قوية اوصلت لي ظهري عوار موطبيعي

اح


توبة خلاص مابي العب رحت الكفتريا وطلبت لي هوت جوكليت طبعا الكفتريا كلها من ثلج تشوق
وهذي صورها









واهنية على الزاوية

خوش منظر يعني صج والحرارة 4 تحت الصفر
(واي يريت يسولنا شي سنع اهنية ) بدال هالاسكيتنج المغبر اللي عندنا



يتبع.



تعليق


واهنية طحت لكم على واحد قاعد يسوي حركات بهلوانية داخل ال aglo



واهنية انا ووحدة من اهلي قاعدين تحت هالتنين من ثلج




بس صراحة كان حد الوناسة صج استانسنا الحمد لله

قعدنا لين جريب يسكرووون صج هلكنا ومتنا برد





المهم بعدين رحنا نتعشى وكانت اغلب المطاعم مسكرة او قاعدة تسكر

الا هالمطعم اللبناني الظاهر كسرنا خاطره وقالنا تفضلو.

وطلبتلي هذاك الكوكتيل حدة عجيب
والمزات السنعه


المهم وعقبها طبعا كنا حدنا تعابة وردينا الفندق وثاني يوم من الصبح
رحنا سوق نايف جنة سوووق لمباركية اللي بالكويت

كنت ميته ابي اروح اسواقهم الشعبية وبنقش حنة لكن للاسف مالقيت الظاهرلازم اروح صالوناتهم

انا عبالي في احد ينقش بالسوق

المهم وانا اتمشى لفت نظري هالمحل درايع حق حريم كبار بس مو اي دراريع واي ايننون الخام اينن كله استراس

لا ولمعته اقوى من اللي اهنية يبرق برق بس حسافة الصور حيل ظالمتهم

وصج نسيت اقولكم كانت اسعارهم تقريبا على 200 دينار كويتي واكثر



وهذي شيلاتهم



وطبعا شريت من سوالفهم شيلات وعبي والله نفس اللي اهنية ما يفرق شي

المهم واحنا طالعين وقبل لانركب التكسي تذكرت شغلة مهمة حيل

ما قلتولي شنو اهية ؟

ام خماس

افهمكم انا ولدي اسم الله علية وياحفظة يارب عسر حيل ذابحني ومايسمع الكلام لين اتحول ام خماس

لول افهمكم اشلون يعني لازم البس عباه واغطي ويهي واصيرلة ام خماس علشان يسمع كلامي

فقلت دام اني بالامارات وبسوق شعبي خل اسالهم عن البطولة

البطولة = النقاب اللي تلبسة ام خماس

وطبعا وناسه لقيته واخيرا لقينا شي يسكت عبودي

لو ول

يويلكم ان ضحكتو علي
لا وخذيت لونين
مزاااج


وشريتلة بجامات بعد علشان يكمل الطقم





وبس انتهت الرحلة على خير


انتو اشرايكم انا دخت وشكلي دوختكم معاي؟؟؟



تعليق


واي يا حلات دبي عليج بالعافيه حبيبتي


تعليق


el7mdella 3ala salamtch
WaNasa
3alekoom bel.3afya


تعليق


ana ray7a shahar FEB enshalla

o as usual mara7 a6awef shay ehehehehe

ana men el nooo3 ely a7alel el safra 9a7 lol


تعليق


خوش رحله ماشاءالله عليكم بالعافيه والحمدلله على السلامه


تعليق


وناسه خوش سفره عليكم بألف عافيه والحمدلله على السلامه

بس نسيتي شي مهم .. ماحطيتي صورتج لابسه البطوله ه



تعليق


عليج بالعافية السفرة





ودبي تينن


تعليق


خوش تقرير وناسه
الحمد الله على سلامتكم




ويازينها دبي دار الحي



تعليق


ماشاءالله خوش رحله

الحمدالله على السلامه وعليكم بالعافيه ..


تعليق


ماشالله خوش صور بس اللي الصور الاخيره مو طالعه سارون





الله يهنيكم ويسعدكم


تعليق


عليج بالعافيه و مشكوره على التقرير المصور


تعليق


حمدالله علي السلامه خوش صور يعطيج العافيه


تعليق

---

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>