سببب تاخير تطهير ولدي

قياسي

السلام شلونكم حبايبي
حابه اسالكم الله يسلمكم انا عندي ولد الله يخليه يارب الحين عمره شهر و14 يوم ولين الحين ما تطهر والسبب الحساسيه في منطقه الحفاض رحت مستشفى الحكومه وعطوني ادويه ومانفع وياه و رحت الخاص وعطوني هم كريمات وما استفاد منهم وجربت زيت زيتون وهم مانفع




عطوني حل حق هالمشكله لاني تعبت ابي اطهره


تعليق


اول شي ترى مو متأخر حيل ولدج الله يحفظه لج ويرزقج بره
بالنسبة للالتهاب


العادة يعطون مرهمين نخلطهم رياكورت وميكوستات




والله يشافيه


تعليق


غيري نوع الحفاظ يمكن مو طايح على جلده




تعليق


غيرت نوع الحفاض وماكو فايده
وابوه يبي يطهره بالحكومه وموعده عقب باجر وللعلم هذا الموعد الثاني لانه في موعده الاول لما وديناه قالوا مايصير عنده حساسيه
والظاهر هم هالموعد راح يتاجل .الله تعبت


تعليق


جربي كريم افالون اختي جربته وحيل تمدحه .. وفي ثاني انا استخدمه الحين يومي حسيته مرطب وحلو اسمه بيبي كير ماركه isis pharma المشهوره


تعليق


ماعليه شـر ان شاءالله

روحي الجمعيه واخذي غسـول اسمه بلسم لونه ابيض بازرق فاتح

وكريم درابولين وبودرة نونو اسمها بودرة الحراره الجلديه

ومن المستوصف المعقم البنفسجي بودر تضيفين له ماي واذا ماعرفتيه اخذي بيتادين المطهر

اول شي غسلي بالبلسم

وبعدها بقطنه حطي المعقم

وبعدها الكريم وزيديه شوي وبعدها البودره

راح يرتاح من اول يوووم يروح ان شاءالله


تعليق


وحبوبه يمكن انتي ماقاعده تنشفينه عدل لما تغسلين له

او ماقاعده تحطين كريم دايما حطي الكريم حتى لو مافيه شي





واذا كنتي تحطين فازلين وخري عنه ترى حار عالجلد

وغيري الحفاظه كل ساعه او ساعه وشوي

او اذا خرج وانترست حفاظته


تعليق


تو الناس عادي ترى مو متاخر ولدج انا عيالي طهرتهم 3 اشهر وفي على 6 وفوق لا تحاتين التطهير بس اهم شي عالجي المنطقه عندج سودو كريم زيين وديري بالج ترى زيت الزيتون حار مو على كل شي يستخدمونه! راجعي دكتور اطفال متخصص وزشاطر يوصفلج احسن كريم وان شاءالله سهاله لا تحاتين


تعليق


سودو كريم ... ممتاز ... بعد ماتنظفينه نشفي منطقة الحفاظ بمنشفه صغيره


تعليق


المستوصف يعطون كريمين تخلطينهم مع بعض. اوحطي سودو كريم. بس عقب ماتغسلين منطقة الحفاظ جففيها عددل وخليها شويتتهوا بعدين لبسيه الحفاظ


تعليق


مو متأخر عادي حبوبه
والبنات ما قصروا


تعليق


عادي كلش مو متأخر انا مطهره واحد من عيالي عمره 3 شهور




لاتحاتين اهم شي عالجي المنطقه حرام يتعذب جذي من الالم



تعليق


سودو كريم رووعه


تعليق


في كريم روعه انا استخدمه والله يومين وراحت الحبوب
اسمه : nystalocal




رفيجتي علمتني عليه عجيب


تعليق


شوفي

ياانج تنظفينه زيادة عن اللزوم

او في خلل بطريقه تنظيفج له او استخدامج للادويه





ويمكن متحسس من شي يا الحليب او غيره

او لما تتنظفونه مايتنظف عدل

اهم شي ريحي شوي من الحفاظه خليها امبطله ربع ساعه عساس المنطقه يحوشها هوا

والبنات ماقصروا

وانصحج بالدكتور مازن اللي بخيطان او المخيزيم


تعليق

---

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>