ساعدوني بنتي برابعه ابتدائي وميننتني تنسى

قياسي

واللي يعافيكم بنتي كله تنسى وكله تقول ماعرف انتي درسيني ولما ادرسها ماتفهم بسرعه ولما اقولها درسي بروحج

تقول ما عرف ومو فاهمه..ياربي شسوي جدول الضرب للحين مو راضيه تحفظه كل ما حفظت تنسى..





والاسبوع الامتحانات صعبه ويبيلها حفظ



نصحوني خواتي...


تعليق


عندي وعندج خير

عندي ولد يكتب الحروف بدون نقاط يقول ما احب ازين الحروف ه



عموما امتحان الرياضيات برابعه ماله علاقة بجدول الضرب

المنهج يبدأ بزوايا الحاده والقائمه والمنفرجه الى الارقام اكبر واصغر والالوف والملايين



تعليق


تبين الصج انا بنتي طلعت لي قرون العام ..يوم كانت برابعة
الطيب واللين ما نفع معاها ..كانت معتمدة علي بكل شي
لما جتني الشهادة مروسة بالانجلش
هني سويت مناحة ..قسم بالله دش علي زوجي ابجي على باله احد متوفي
لا سمح الله ولا احد صاير له شي
يوم درا بالسالفة ...قعد يضحك علي <<< حرني هو وبنته
المرااد ..البنت ذاك اليوم حصلت " علقة " من اللي يحبها قلبج ..طبعا مني مو من ابوها


صارت تمااام التمااام





عاد انتي بنيتج جربي معاها ..في البداية التفاهم والتشجيع
واذا ما نفع ..
جربي معاها تحرمينها من شي تحبه ..اللعب ..الطلعة
واذا ما نفع..
ما كو الا التخريع ..بس بعقل مو تحبطين البنية مرة وحدة..

غير جذي ..مفيش !!!


تعليق


كلمي الاخصائيات واهما بساعدونج


تعليق


ويه عندنا وعندج خيير

ولدي اجابله واتعب واعيد وازيد واسأله يجاوب شي وبس اقوول اكتب الاجابه يقولي شي ثاني بعيد, يقول شي ويكتب شي

والله مساكين ما ينلاموون مناهج صعبه ومو متعودين على الامتحانات, اصلا مايدروون شنو يعني امتحان

انا مرات من كثر ما اصارخ عليه احس قلبي يبي يووقف


تعليق


وانا بعد تعبت والله جننونا بالمناهج

درسنا اهلنا امييين ما يعرفون شي

وطلعنا الاوائل والحمدلله المهندس والمدرسة والصيدلي

ولا الحين ندرس ونسطر ونحل وهم ماكو تفوق


تعليق


مشكوريين حبايبي على ردودكم ...ابيه توني اقرا اني كاتبه رابعه بنتي بخامس حظي علي عقلي خلاص خخخ


تعليق

---

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>