رحلتي الى استرالياماليزيا

قياسي

مرحبا يابنات حبيت احط لكم تقرير عن سفره من سفراتي ومثل ما قلت قبل في مواضيع سابقه اني انا من عشاق استراليا واروح لها كل سنه بس هالسنه ماراح اروح لان اليهال طقت اجبودهم وودهم يغيرون وسفرتي هذي مميزه لان زرت فيها وايد اماكن حلوه طبعا طلعت من الكويت على الطيران الاماراتي ونزلت دبي ساعتين بعدها سمته وحده استراليا والطريج كان13ساعه وبعد مازرت سيدني وجولد كوست توجهت الى سنغافوره لان راح اخذ باخره منها تلف فينا بشرق اسيا...وبعدها نزلت في ماليزيا 12يوم وبعدها عدت الى الكويت طبعا انا قاعده اختصر لكم التقرير لان لو بحطه مفصل ماراح اخلص واتركم مع الصور واتمنى ينال على اعجابكم..
بسم الله نبتدي..

طيارتنا كانت بلاشك الاماراتيه بصراحه احبها وايد جدا راقيه








هذا بعد الوصول مطار سيدني(ملاحظه هذي الصور نفس صورنا بس ماقدرت احطهم لان رازين اويوهنا بكل صوره)



يتبـ ـع




تعليق


نكمل والله يستر ... خايفه من سالفة الصور حدي غشيمه لول

طبعا بالمطار عفسه بالتفتيش كل الناس اللي يابوا اكل قطوه الله يعزكم بالزباله ويشيكون عالزقاير جم امدخلين والفلوس الكاش بعد وحوسه ..عقب المطار كان ناطرنا باص طالبينه ونقلنا لفندقنا الحبيب واللي ما اغيره ولا احب غيره في سيدني وهو ستار سيتي ماتتصورون روعته بس عيبه في كازينو قمار بس معزول ولا حسينا فيه ...بس شنو راقي شنو خدمه شنو اخلاق معاناوسنين يابنات انزل فيه الله يشهد ماشفت منهم الا كل خير ...واللي يميزه انه كل شي يمه موقع وووعه






وطبعا وصلنا الساعه6الصبح ..حطينا اغراضنا طرنا عالماكدونالدز نتريق لانه قريب وايد

بعدها ردينا نريح بالفندق ورحنا الحديقه الصينيه ...بحط الصور انشالله
يتبع


تعليق


بسم الله بنات شجعوني ترا الموضوع والله شيق لول شسوي امدح ابيكم تتلحلحووون


تعليق


المهم

هذا ريوقنا بالماكدونالدز الصبح


وبعد الراحه رحنا للحديقه الصينيه يمنا تبعد تقريبا مشي عشر دقايق واهي بعد الاكواريم العجيب الغريب اللي عندهم بحط لكم صوره عقب









تعليق


انا اول وحدة بشجعج

كملي حبيبتي متابعينج

وعليكم بالعافية هالسفره الحلوه





وان شاءالله كل سنة تسافرون وتستانسون بصحة وعافية


تعليق


حطيت صوره وحده كافي لان وايد صور عندي /بعد الحديقه الصينيه ..رحنا تغدينا بمطعم في منطقة الروكس واتذكر انه ايطالي حده عجيب وتمشينا لحد الاكواريوم وقصينا التذاكر ودشينا..







وبعد الاكواريم رحنا تعشينا ونمنا مثل الميد المسموم وقعدنا من الصبح واتجهنا الى الاوبرا

تابعوني:te k:


تعليق


فديتج توفي بكمل لعيونج


تعليق


طبعا عندي زوج الله يحفظه يموووت على القعده من الصبح واي الساعه6ونص على راسي قومي قومي يلا مادري وين بيروح طبعا اقو وانا خوووش ابنيه اسوي ريوووق لان مثل ماقلت شقه فندقيه ماخذه بحبيب قلبي فندقنا العزيز...وعقبها نتريق ونلبس لنا نص ساعه حق اللبس والا يقعد يخانق ويتحلطم تلاقوني انا واليهال انتراقع بعض لول المهم طلعنا ورحنا الاوبرا






طبعا نقص تذاكر عشان نعبر البحر ونروح صوب الاوبرا وعندهم (فيري )اللي اهو مثل طراد بس كشخه لول ينقلنا ذهابا وايابا

ومن اهني حجزنا التذاكر حق الفيري ..

فاصل ونواصل


تعليق


عدنا

طبعا حبيبات قلبي ...من المكان اللي تحجزين فيه حق الفيري تقدرين تحجزين منه بعد حق حديقة الحيوان المعروفه اهناك وانشالله بحط لكم عنها

دار الأوبرا شكلها خلاب والله منظرها عجيب ومن حديقة الحيوان تقدرون تشوفونها بشكل روعه عجيب هذا المحل في ساحة الاوبرا كلهم يبيعون تذكارات مالت السكان الاصليين عندهم وتيشيرتات والخشب اللي يصيدون فيه لطيور






والحين بحط لكم عن ديقة الحيوان ترانقو... تابعوني الغاليين


تعليق


عدنا وينكم ماشفت تشجيع الا من وحده جزاها الجنه اشدعوه

بكمل على خاطر المنتدى الحبيب
طبعا حديقة الحيوان عندهم حلوه وشرحه واللي قاااهرني ان حتى زرافتهم غير الوانها زاهيه ونظيفه تلق اقووول اشفيها مالت العمريه جلحه ملحه فقيره لول والله يابنات ان لونهم عجيب ما ابالغ






طبعا هالربع حياه والله بس لي شفتوهم تقعدون تقولون سبحااانه طبعا حاطين جااام وانجابلهم اطالعهم من وراه بس عاكس مايشووفونا ..

وهالكناغر بكل سكه وكل فريج ماتروحون تزورون مكان الا فيه هالكناغر والكوالا تشترون اكل لهم بدولار وتعطونهم


هم فاصل ونواصل


تعليق


يالله ياكريم


تعليق


والله تبون الصج احباط ماني امكمله لين اشوف ردووود اشدعوه داشين 19 ماعلقت الا حده واااي


تعليق


ياهلا ومسهلا ...

عقب حديقة الحيوان... ينقلكم تلفريك من الحديقه لين خارجها وتاخذون عاد مره ثانيه الفيري ونزلنا بالهاربر اللي مكانه يم فندقنا واحنا نازلين والا هالمزيون ناطرنا ...

تمشينا لين وصلنا الروكس







شفنا هذا بالطريج

بعدها زوجي قالي لازم نرجع بيوم ثاني حق الأوبرا بالليل يقولون وايد روعه وفعلا رجعنالها ثاني يوم بالليل وبحط لكم الصور انتوا بس تابعوني


تعليق


وناسة حدها تشوق انا عندي عيالي 7 و5 تهقين يستانسون ولا يزهقوني بحياتي ه

كل الرحلة جم كلفتج حبيبتي مع المشتريات






ودي اروح بس احس حر


تعليق


يلا نكمل ...
قلنا نبي نروح للأوبرا عشان نشوف الشمس واهي اتغيب وشكلها بالليل يمدحونه فقلنا نتواجد من العصر اشورانا؟؟؟ ماورانا شي واحنا ماشينا بنعبر الجسر الكبير اللي يوصلنا صوب الفير شفنا السكاي ترين واللي صار حبيبنا عقب بالتنقلات وهذا اهو مع الاوبرا...











وثاني يووم رحنا الهايد بارك . وبعدها ودعنا سدني وتوجهنا الى جولد كوست انتظروني


تعليق

---

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>