دجاج بالفرن من غير دهن ^_^ اهداء للاسطورية

قياسي

السلام عليكم بنات

هالاكله وايد لذيذه و اهم شي انها من غير دهن

ولان ريلي ما يحب الدهن الزايد و يحب الاكل الصحي فوايد يستانس عليها



حبيبتي الاسطوريه ربي يشافيج سوي هالاكله و بتعشقينها خ



بسم الله نبدي

اول شي نحتاج ديايه مغسله و مقطعه اربع اجزاء

بعدين نتبلها في الصلصه

ليمونتين

كاري

صلصله الصويا

دبس الرمان

لومي بودر

ملح و فلفل اسود

طبعا تحطين المقدار اللي تحبينه يعني تفدرين تزيدين او تنقصين





تحطين هالصلصله على الدياي و تخلينه لمدة ساعه

عقب صفيه بالماعون و قصصي بطاط مكعبات وحطيه فوقه و نثري عليه شوي اوريغانو

غطيه بقصدير و دخليه الفرن وشبي الفرن فوق و تحت





وبعد ما يستوي الدياي تقريبا ياخذ ساعه و قبل لا تطلعينه شيلي القصدير و خليه يتحمر من فوق



الدياي راح يصير ذايب و طعم ولا اروع

وبالعافية يا قلبي





تعليق


الله يعافيج حبوبه وتسلم ايدج




وماننحرم من جديدك


تعليق


يمي يمي

والله خوش طريقه

وتسلم ايدينج ياقلبي

ويعطيج الف عافيه ياربي


تعليق


ياسلام خوش أكله ان شاء الله بجربها شكلها لذيذه وصحيه





مشكورة



تعليق


يعطيج العافية

شكلها لذيذ

ان شاءا لله نجربها


تعليق


يم يم شكلها لذيذ





بس بقولج في بديل غير الكاري لان موزين لي

اذيتج معاي
بس صج مشكوره عالاهداء ان شاءالله اطبقه باقرب وقت


تعليق


تسلم الايادي



تعليق


حياكم الله حبيبات قلبي

مشكورين على المرور الحلو مثلكم

سووه و ان شاء الله بيعجبكم

حبيبتي الاسطوريه ... عادي تقدرين تستغنين عنه و تحطين بداله بهارات الدياي

او اذا كانت البهارات تضايقج وما تقدرين تاكلينها تقدرين ما تحطينها وبدالها حطي ماجي نتفيه و نثريه فوقها

وبالعافيه حبيبتي


تعليق







تسلم ايدج حبيبتي





تعليق


مشكوره

أمواج البحر


وتسلم ايدج



تعليق


جوريه كويتيه

جارة القمر

حياكم الرحمن ويسلمكم يارب








تعليق


يم يم يم تسلم ايدج اخيتي وليش ماسويتيها يوم الخميس ها


تعليق


خ خلاص يبا اسويها الزوارة اليايه ولااا يهمج


تعليق


تسلم ايدج


تعليق


الله يسلمج يا قلبي


تعليق

---

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>