خبيرات استراليا ممكن تساعدوني ؟؟

قياسي

السلام عليكم . بنات حابه استفسر شوي عن استراليا و قلت مافي غير خةاتي يساعدوني .حابه اعرف استراليا شهر كافي ؟؟؟ و احنا 4 اشخاص 2 كبار و 2 صغار (6و 7 سنين ) اشكثر يبيلنا ميزانية السفره كلها سكن و اكل و تذاكر و رحلات من غير سوق لان سمعت سوق استراليا مو حلو
المهم و شنو الافضل نروح بروحنا و نسوي جدول ولا اروح مع جروب سفريات ؟؟؟ فيدوني ما اعرف وايد ناس راحوا استراليا من قبل ... بليز


تعليق


روحي مع سفريات احسن شيء



انا رحا مع السيد صج غيير وكل الي معنا من سفريات الثانية كانوا يتغبطونا من كثر سنع سفريات السيد





وان شاء الله لي عودة معكى


تعليق


مشكوره حبيبتي ... بس قريت موضوع وحده تقول بروحكم احسن ما تقيدون ؟؟؟ و ممكن اعرف الاسعار تقريبا




تعليق


شوفي حبيبتي بما انكم بس 4 اشخاص يفضل انج تروحين مع سفريات لان بصراحه استراليا يبيلها يمعه حق الوناسه وانصحج بسفريات السيد لاني رحت معاهم وكانت رحله حدها عجيبه واي سوق موشي واصلا مايمديج تروحين سوق كلش من كثر الاماكن اللي تونس وترا استراليا الحين صارة غاليه يعني مع التذاكر اتوقع يبيلج مو اقل من 6 الاف


تعليق


مشكوره حبيبتي . انا احب القروب بس المشكله بزوجي طبعه صعب شوي و يحب كل شي على كيفه اخاف نتقيد ...




و بترتيب الرحله ما عندي مشكله ... اسوي كل شي بالنت ... بس حابه اعرف ميزانيه تقريبيه ...يعني جم يبيلي سكن و تذاكر و سياحه من غير سوق .. قلت 6 الاف و بشوف باجي البنات شيقولون ... مشكوره وايد وايد


تعليق


شوفي يالغالية استرالياتذاكرها غالية وبعيدة اشوي بس بصراحة تسوى العنوة صج ديرة تونس وكل شيء فيها واهلها الله عليهم متعاونين وحلييوين جنهم الامريكان

وكل مكان في مسجد يعني ما تحاتيين الصلاة وكل مكان في مطعم حلال للمسلميين لان عندهم نقابة للمسلميين في استراليا يعني باختصار العبارة لو يحصللي اروح مرة ثالثة اروح وما باذني ماااي





شوفي احنا كنا ثلاثة طلعت تذكرة البالغيين 800 دينار وولدي 340 والمصرف علينا والمواصلات وكل شيء

ويوم رحنا مع الجروب وفرنا 500 دينار تقريبا لان السكن والمواصلات عليهم لان التكاسي ناار بس مع السفريات اريح اهم الي يجهزون الشنط في المطارات و السكن يكون قريب يم السوبر ماركت والاماكن الحلوة وانتي مو ملزومة تروحيين معاهم للرحلات يعني تقدريين تروحيين بروحج بدون الجروب لان في مكتب تقدريين تحجزيين للرحلات وهذا الي كنا نسوية هناك

واذا تبين تفاصييل اكثر ارسلي ايميلج وارسلج عنواويين المطاعم واماكن حجز الرحلات

اتمنى اني اجبت على سؤالج وما اكون طولت عليج



تعليق


البنات ما قصروا فادوج

وبالتوفيق انشالله


تعليق


كل الشكر و ي ريت تفيدونا بعد


تعليق

---

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>