بنات طمنوني نغزات في الجهه اليسرى من الصدر والم .

قياسي

السلام عليكم
بنات وين يكون بالضبببط مكان القلب ؟؟ الي اعرفه انه يميل للجهه اليسرى لكنه هل يكون تحت الثدي والا فوق والا عند الثدي بالضبط ؟؟؟ زوجي دايم يقولي تجيه نغزات في الصدر ولا ادري شنو هالمنطقه ؟؟هو يقول القلب لكن فيه اشياء ثانيه الي تحت الثدي اعتقد يكون القولون الهضمي صح بنات ؟؟تجيه الحاله اكثر شي اذا متضايق ويحس بألم في نفس المنطقه .. وانا مررره اوسوس بالذات لما عرفت بوفاة الفنان محمد الامير كان فيه نغزات .. اتمنى تفيدوني ياريت بعد اذا فيه موقع فيه شكل الجسم والاعضاء بالصور لاني اوسوس وخاايفه عليه ادعوا له يابنات الله يجزيكم خير










تعليق


حبيبتي
خل يروح الطبيب
ضروووري
وان شاء الله مافيه الا العافية




تعليق


نغزات تروح وترجع صح
مو كل يوم صح ؟

انا بعد تصير بهالمنطقه




وما اقدر اتنفس عدل بس تروح ارد اقدر اخذ نفس عميق

جذي حالة زوجج ؟


تعليق


انا بعد نفس الشي !
بس تييني من فترة لـ فترة مو كل يوم
و تعور حيييل و احس اني ماقدر اتنفس
بس مرات يعني بين كل جم شهر !
تييني بـقوة
مرة كنت بالمدرسة و يتني قوية حيل بغيت اموت لدرجة دقو على امي يت خذتني ودتني المستشفى




سوولي اشعة حق صدري و تخطيط قلب بس يقولون ماكو شي
يقول الدكتور مرااات عضلة القلب اهي الي تسبب هالعوآر يكون انقباضها قوي شوي فـ تحسين بهالنغزة


تعليق


انا امس صار فيني جذيه مرتين الصبح و من كثر العوار قمت اتشهد


تعليق


الف شكر بنات
ms zrafa ايوه زوجي مو كل يوم واذا جت له الحاله مايقدر يتنفس كلما يتنفس يحس بالالم اكثر .. ويظل كذا لفتره وطبعا يروح واوقات تطول الحاله معاه مثلا من اول امس كان زايد وامس بعد اغلب الوقت معاه الالم .. مره سألت دكتوره عامه تقول ممكن يكون القولون الهضمي ..؟؟؟ لكني بعد خاايفه وهو مو عاطي نفسه فرصه يروح المستشفى داايم مشغوول بعمله ..والحاله هذي تزيد مع الضغوطات والحاله النفسيه ...


تعليق


شوفي انا رحت طبيب القلب والله ما اذكر اسمه وسوالي تخطيط
ركبلي نفس جهاز طول اليوم على صدري ومكان العوار
قالي فيج دم وايد ضاغط على هالمنطقه




روحي تبرعي بدم وكلشي تمام
بس

بس هذي الي تروح وتييي ترا ما فيها شي يشرب ماي وخلاص ما يصير شي
بس اذا طول اليوم تيييله مادري


تعليق


الف شكر
حتى اذا شرب ماي ومعاه الحاله ماتروح لين ماياخذ وقت وبعدين تروح وترجع له الحاله مره ثانيه


تعليق


اقتباس:
المشاركة الأصلية كتبت بواسطة يااسمينه
الف شكر
حتى اذا شرب ماي ومعاه الحاله ماتروح لين ماياخذ وقت وبعدين تروح وترجع له الحاله مره ثانيه
اول شي سلامات وما يشوف شر انشالله وثاني شي كلامج صح بان القلب يميل للجهة اليسرى واما اللي تحت الصدر تكون المعده فشي طبيعي لما الواحد يكون متضايق او معصب تتاثر هالمنطقه بس بالنسبه لحالة زوجج اعتقد انه داش فيه هوا حتى لما ياخذ نفس يتييله النغزات نصيحه لا يشرب اشياء بارده لما تصيرله هالشغله ويدفي روحه وخل يشيك على المعده مره وحده يعني خيسوي منظار للمعده وسلامات وما تشوفون شر انشالله0:


تعليق


اخالف كلام كل العضووات اللي ردوا.
لاني انا صارلي 8 شهور اعاني من اعراض وهذا عرض منهم ...
اول شي لازم تعرفين نوع الالم ...هل هو الم ضاغط .. يعني جنه حاطين ثقل على الصدر...ولا الم نغزه تعور وبس... هذا اول شي..
ثاني شي ..مكان القلب ...بالنص بس يبميييل شويه عاليسار ...
ياسمينه ...لا تخلين الشك والوساوس تسطيطر عليج ..
روحي حق دكتور محمد الزبيد ...وخل يسوي ريلج تخطيط بمجهود وسونار للقلب .. واذا طلعو سليمين ...




هني راح تركزين على النفسيه ..مثل ما قلتي اهو كله مشغول ابشغله يعني اهو قلق ..ومتوتر ..وهذا الشي يهيج القولون العصبي..هذا احتمال .
الاحتمال الثاني ..اكثر عضله تنشد وقت التوتر والعصبيه والقلق اهي عضلة الصدر ..فلما تشد العضله تسبب هالالم ...انا النغزاات تلعنو خيري من شهر 8 والحين اختفوا تدرين من شنو ...خففت القلق والتوتر ...وعدلت اسلوب حياتي ... و طلع قولوني شاد فيحوش الحجاب الحاجز والعضله تشد ويسبب هالالم ...صدقوني صارلي فوق الشهر ماكو نغزات . يا بنات عوار القلب يكون ضاغط ويكون بالنص مو نغزه عاليسار ...عموما احنا ما نقرر ان هالشي قلب ولا قولون عصبي ولا نفسيه ال بعد زيارة اخصائي القلب ...ود محمد الزبيد ماكو عليه ... والله يشفي جميع المسلمين ..


تعليق


.





أنأ تجيني ألام جذي ..





رحت الطبيب قال عظلآت من البرد ..!!


إن شاء الله مافيه الا العافيه ..













.



تعليق


السلام عليكم لابد لكي يا حياتي الذهاب للطبيب


تعليق


الف شكر بنات والله يعطيكم الصحه والعافيه




مشكلتك الله ينولك مرادك حبيبتي .. والله ماتدرين لاي درجه خايفه عليه .. اليوم نفس الحاله جالس وتعبان والالم يزيد مع لمس المنطقه او الضغط عليها .. ان شاء الله يروح يفحص بس بياخذ اجازه هالفتره لان شغله ماخذ كلل وقته ما عنده فرصه حتى انه يروح المستشفى لما يرجع من الدوام يفضل يجلس في البيت لانه تعبان وشاايل هموم العمل ..بالنسبه للدكتور للاسف حنا بالسعوديه وان شاء الله يلقى دكتور دقيييق وشاطر يارب بنات الله يعافيكم ادعوا لزوجي ان شاء الله كلها مجرد وساوس ...


تعليق

---

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>