المكياج والكريمات اللي لازم تشترونهم من سيفورا ,,, صور "متجدد" .

قياسي

مرحبا بنات
اليوم يبت لكم صور شغلات مدهشة من سيفورا وتدرون موسم السفر قرب فاللي لها روحة أمريكا , باريس, دبي أو البحرين تشوف هالشغلات أو توصي عليها واللي مجربة بعض هالشغلات أو عندها شغلات ثانية تحطها علشان نستفيد كلنا


هذا من smash box ينحط قبل الفاونديشن يملي الخطوط وينعم البشرة "أفضل المبيعات في سيفورا"





مرطب للبشرة من فيلوسفي اسمه Hope in a jar وايد حلو "أفضل المبيعات في سيفورا









هذا عبارة عن علاج وترميم للبشرة بالليل قبل النوم والحلو فيه انه فيه لون مثل الفاونديشن وله درجات يعني يعطي تغطية وعلاج بنفس الوقت وتدرون وقت النوم وعقب ما نغسل الويه تطلع البلاوي وينصدم المسكين فهذا مكياج النوم ويقولون ما يطبع على المخدة ولا يأثر على البشرة لأن أصلا علاج فانشالله ناوية أجربه اسمه Bare Escentuals RareMinerals Skin Revival Treatment "أفضل المبيعات"


هذا يتفخ الشفايف من ماركة Too faced وهذي الماركة وااايد حلوة فشوفوا كل مكياجها أحسن



هذا بخاخ للبشرة بزيت العنب ومعروف ان زيت العنب وايد زين للبشرة والتجاعيد Caudalie Grape Water



هذا زيت للحواجب يقولون يطولهم ويكثفهم



مزيل غلطات المكياج يعني زوايد الكحل والماسكرا



مزيل ثاني من ماركة سيفورا يصير مثل القلم يمسح الغلطات البسيطة من غير ما يخرب الفاونديشن



هذا فاونديشن للجسم من ماركة نارس يستخدمونه وايد في Red Carpet خاصة للساق يعطي لون واحد ولمعة وفيه منه درجات للون وعموما ماركة NARS وااايد حلوة شاهدوا كل شغلاتها



هذا واايد مفيد خاصة بعد الأكل تمسحين فيه على أسنانج يشيل البقع ويبيض الأسنان استخدامه يومي وينحط بالجنطة وله نكهات وايد من ماركة Go Smile



يتبـع



تعليق


هذا جل للخدود يعطي لون متورد حلو وطبيعي من ماركة Tarte



هذا يسمونه شامبو جاف Dry Shampoo يصير مثل البودر ينحط على الشعر اذا دهن وما عندج وقت تغسلينه يسحب الدهن ويعطي Volume من ماركة Stlla



مناديل من ماركة سيفورا تشيل الدهن من على البشرة من غير ما تخرب المكياج يعني تمسحينها على الخشم أو الجبهة



هذي تمسحين فيها على الريل تطلع الشعر اللي تحت الجلد من ماركة Bliss



هذا ينحط تحت العين أو بزاوية العين يعطي لوك صحي ويفتح منطقة العين من ماركة Laura Geller



هذا وايد حلو تحطينه بالظفر من داخل يعطي لون الفرنش وشكله نظيف من غير صبغ



هذا Body Oil من ماركة سيفورا بروايح متعددة



هذي كولكشن متكاملة للعناية بالشعر من ماركة Carol's Daughterعبارة عن زيت وحمام زيت وحليب للشعر وكريم وكلهم بزيت اللوز



طبعا ماركة كارجو كل شي فيها حلو وهذا بس مثال شدو سائل بس شاهدوا كل شغلهم



هذي مناديل للشعر فيها مرطب تنحط بالجنطة وتمسحين فيها أطراف الشعر اذا حسيتي انه جاف







يتبـع



تعليق


صابونه للسليولايت فيها تقشير تشترين معاها أداه مثل المشط تنشط الدورة الدموية من ماركة Bliss



قناع للعين ينحط بالثلاجة وبعدين تحطينه على عينج عقب التلفزيون والكمبيوتر يريح ويصير تحطينه بماي حار أو ميكروويف اذا تبينه حار



هذي آلة تغسل الويه تحطين فيها الغسول وتشغلينها تسوي بعد تقشير وتشتغل على الشحن



ماسكات للوجه مرطبة من ماركة مراد تستخدم مرة وحدة Murad



هذا صبغ الفرنش تيب يعني ترسمين فيه الخط الأبيض للأظافر



مبرد أظافر كهربائي







السنه مارك جيكوبس Marc Jacobs مسوي عرض خاص بس لسيفورا عبارة عن جناط ميكاب وفرش مو موجودين بمكان ثاني







واللي مجربة أي شي من اللي طاف ياليت تقولنا تجربتها سواء زينة والا مو زينة علشان نعرف قبل لا نسافر واللي عندها شي ثاني خل تحطه وانا انشالله اذا لقيت شي يديد على طول بحطه لكم



تعليق


مشكوووره حبيببتي


تعليق


الصراحه روعه يسلمو حبيبتي فيه منهم بالكويت ولا لا؟


تعليق


مشكوره يالغاليه...بس عندج فكره سيفورا اللي بدبي وين بالضبط؟بأي مجمع؟


تعليق


مشكورة ويعطيج العافية حبيبتي


تعليق


انا جربت بلاشر من سيفورا الصغير اللي علبته شفافه اينن
وحتى الكبير لونه برونز وفيه لمعه ذهبية قوية بس ماستخدمه وايد!

وشريت الشدو اللي معاه اي لاينر الشفااف واايد امدحووه بس كلش ماعجبني ماستخدمته ولا مره
لان اللون يطلع شفاف حسافه عليه

وشريت سبري على برتقال وفاكهه ثانية يرطب الويه




وطلبت من الانترنت سيت شدوو كااامل فيه اكثر من 20 لون بس ليلحين ماجربته


تعليق


مشكورين يا قلبي كلكم وسيفورا بدبي أعتقد انه بمجمع بن بطوطة اذا ما ني غلطانه ويقولون جريب يفتح بالأفنيوز


تعليق


ما عندنا منه ؟






ولا اي منتج؟


تعليق


اقتباس:
المشاركة الأصلية كتبت بواسطة hasb_83
انا جربت بلاشر من سيفورا الصغير اللي علبته شفافه اينن
وحتى الكبير لونه برونز وفيه لمعه ذهبية قوية بس ماستخدمه وايد!

وشريت الشدو اللي معاه اي لاينر الشفااف واايد امدحووه بس كلش ماعجبني ماستخدمته ولا مره
لان اللون يطلع شفاف حسافه عليه

وشريت سبري على برتقال وفاكهه ثانية يرطب الويه
وطلبت من الانترنت سيت شدوو كااامل فيه اكثر من 20 لون بس ليلحين ماجربته
مشكووورة يا بعد عمري بس يالله ناطرينج تجربين وتقولين لنا خاصة السبراي شكله حلو


تعليق


االموضوع روعة

أنا مجربة أرواج ومحددات من ماركة سيفورا نفسها وايد حلوين





وجربت سماش بوكس


تعليق


أنا جربت مصحح المكياج الأسود ..





حلوو لاباس ..

ومجربه قلوس نفخ الشفايف من توفيسد حلوو بعد ..




مشكووره عالموضوع ..
يعطيج العافيه ..


تعليق


اقتباس:
المشاركة الأصلية كتبت بواسطة عسولة ودلوعة
ما عندنا منه ؟


ولا اي منتج؟
لا يا قلبي انا مختارة المنتجات والماركات المو موجودة بالكويت


تعليق


اقتباس:
المشاركة الأصلية كتبت بواسطة BaiTotia
االموضوع روعة

أنا مجربة أرواج ومحددات من ماركة سيفورا نفسها وايد حلوين

وجربت سماش بوكس
مشكووورة يا قلبي وتابعيني انشالله بنزل صور ثانية عن ماركة سيفورا نفسها


تعليق

---

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>