الحمـوله ومشاكلهـم .!

قياسي

ادري بتقولون هذي خبله بس شنو أسوي مااقدر وكل رفيجاتي يقولون انتي مو صاحيه ويبيلج طق على الراس.شوفووو ياربايع (كلمه ابدويه قديمه).جاني ابو العيال قالي ابشرج شريت بيت من كثر ماني مستانسه بالبيت قلت تحت يسكنون اهلك واحنا الدور الفوق عطاني خزه جنه يقول هذي مو صاحيه ...ياحبيباتي انا مااقدر استغني عن حمولتي صج انهم جايبين لي الضغط بس والله مااقدر الحيين انا ابي شغله وحده منكم كل وحده تقولي رايها بالاضافه شنو الشي يحبونه الحموله فيج وشنو الشغله اللي يكرهونج اذا سويتيها انا عن نفسي اذا شافوني مستانسه جني حاكمه عليهم بالعدام واذا شافوني مضايقه يسون عرس ليما السنه الجديده وأترك لكم المايك ودمتم لي





تعليق




ه

الله لا يجيب الزعل



ومنزل مباركـ ان شاء الله

طيب يعني انتي متعوده عليهم قصدج





شنو الى بتفقدينه منهم


تعليق


حدج غلطانه

الحموله على عيني وراسي واهل عيالي بس عاد هذا بيت العمر يعني متى راح تحسين بالخصوصيه مهما كان يبقى البعد حلو يترك لكم فرصه تحبون بعض اكثر تحترمون بعض اكثر يعني بيت الحموله راح يكون عليه دوس وناس تدخل وناس تطلع وهذا بيتج اذا خرب فيه شي منو راح يصلح ويعدل ويرمم ماادري انا اشوف ان احنا قدرنا نطلع من بيت اهلنا وصار لننا بيت بروح هالدور مااقدر اطلع من بيت حمولتي غلطانه حدج





البعد مو بالبيوت البعد بالقلوب شكثر ناس عايشه مع اهلهم ومع هذا تحصلينه مايشوف امه باليومين واكثر


تعليق


الف الف مبروك وصج ماعندج سالفةةة الحين بصيرر لج بيت برروحج ونااسة وتاخذين راحتج شكو اهلك معانا بس والله البعد راحة من المشاكل احسن لج حتي لو كانواا اهل زوجج طيبين والله يرزقنا يارب بيت ولاتنسين تعزمينا اذا نزلتو لووول 


تعليق






الي فهمته أنهم مو مرتاحين وياج !




انتي قلتي " اذا شافوني متضايقه يسوون عرس و العكس "
عيل ليش تبينهم بعد في بيتج اليديد ! ؟
حق المشاكل .، يبه آبعد عن الشر و غنيلو آلزم مآ عليج
سعاده ريلج و سعادتج و آهمه خليهم خلاص




تعليق


وي فديتكم يابنات ...أنا متعوده عليهم صج وناسه لمتنا بس ياشين المغامز من وراي



تعليق


لول

ضحكت لين قلت بس


انتي قلتيييها بغمرة فرحتج و ريلج يدري

لي راحت السكرة اتيي الفكرة




نطري لين اتخلصين من فرحتج و حزتها هل بتقولين كلمتج ولا لأ
بس مبين انج طيوبة و قلبج ابيض






تعليق


pupaمواه فديت مرورج



تعليق


ه

الله لا يجيب زعل و يديم المحبه بينكم


تعليق


السلام عليكم
حبايبي بفهم ليش كره الحموله الي هذي الدرجه طيب انتي يلي ماتبين الحموله شنو موقف مرة اخوج اذا عندج ترضين تبعد اخوج عن امه وابوه والله يا بنات حرام مثل ما امج تريد اخوج عندها حتي غيرج يبي اهله وفكروا فيه خصوصا اذا كان اهو الوحيد ببيت اهله وعنده امه وابوه يتخلا عنهم مثلا بالعكس انا ؤايد اقعد عند الحموله وشقتي كامله من كل شي حتي عيالي يتعلمون علي اهلهم وانا اخذ اجر والسمعه الزينه وخصوصا انا اشوف الجنه عند الحموله قاعده بفندق خدم وحشم
وشكرا



تعليق


يعتمد اذا حمولتج زينه معاج ماعليه حياهم الله بس اذا لا مانصحج ارتحي متي الانسان يحس بالخصوصيه


تعليق


ويع سوالف الحموله تخلف عقلي الصراحه!
انا لحين مو متزوجه بعد جم سنه اذا تزوجت بيي اكتب




اتقبلي مروري


تعليق


ياحلوج والله ضحكتيني ه

مهما كنتي تحبينهم ويحبونج لازم تكون فيه خصوصيه خصوصاً في بيتج بيت العمرر





ومتى بتحسين فيها لما تسكنين

ولاحظي حتى زوجج موعاجبه كلامج اومستغرب من ردت فعلج ه

الله يهنيكم ويبارك لكم فيه وعساه منزلن مبارك


تعليق


ه
ضحكتيني
اقوولج ريحي راسج ...وستقلي بيت برووحج




صج تحبين الاكشن
تراعندي بيت زووج نفسج
مدري ليه يربي


تعليق


اقتباس:
المشاركة الأصلية كتبت بواسطة ام رحيم
السلام عليكم
حبايبي بفهم ليش كره الحموله الي هذي الدرجه طيب انتي يلي ماتبين الحموله شنو موقف مرة اخوج اذا عندج ترضين تبعد اخوج عن امه وابوه والله يا بنات حرام مثل ما امج تريد اخوج عندها حتي غيرج يبي اهله وفكروا فيه خصوصا اذا كان اهو الوحيد ببيت اهله وعنده امه وابوه يتخلا عنهم مثلا بالعكس انا ؤايد اقعد عند الحموله وشقتي كامله من كل شي حتي عيالي يتعلمون علي اهلهم وانا اخذ اجر والسمعه الزينه وخصوصا انا اشوف الجنه عند الحموله قاعده بفندق خدم وحشم
وشكرا




تدرين انيي اييبها من هالفكرة

والله العظيم اني اداري حمولتي مداراة ( والحمدلله ردهم لي حلووو ) ليش لأن عندي اخوو وحيييد

ربي يخلييه لنا و يدييمه لنا


كافي بس دخلته و ابتسامته عليينا يوم يدش يوم زوارتنا الاسبوعية


تعليق

---

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>