اكسسوارات،العروس

قياسي

بنات كيفية ساعدوني




عرسي بشهر 3 وحدي متوهقه
ماادري وين اروح
ابي محلات كشخه او معارض فخمه
للاكسسوارات من شحاطات وجواتي عزكم الله
لجناط وساعات ( ابي ساعات لاستعمال يومي لاني شريت ثلاث ساعات ماركه)


وابي خواتم واساور.
واذا في معارض تبيع قطع مميزه ملابس او اكسسوارات من برا ياليت تقولون لي
انا دايمن لبسي عادي
ودي اطلع طلعه




تعليق


شوفي عندج اون تايم فيهم ساعات و اكسسوارات عملية



روحي فان كليف عندهم سوالف ناعمة تصلح لكل الاوقات

هم

عندج روائع جنييف روعة بعد عندهم اكسسوارات و ساعات عملية



هم


اشتري من المحلات الماركات مثل غوتشي و ايف سان لوران







وعندج توما سابو


اشتري الجارم بريسليتززز و بدعي فيها


تعليق


عفوا شنو هذيلا
توما سوبا




جارم بريسليتززز
اول مره اسمع فيهم
ترا انا ماعندي خبره بهالسوالف
ياليت اللي تقول لي
اسم المحل وين صاير>>>طراره وتشرط


تعليق


ابله مها أول شي ألف مبرووك قلبي وان شالله ما أقصر معاج
حبيبتي لازم تنوعين بمشترياتج ما بين الغالي والرخيص

القمصان والجاكيتات :
بما انج عروس حلاته أول الأيام تكون رزه وراقيه عندج designers lounge - فيوليت
zara عندهم الركن الكلاسيك حيل حلو - anna sui - manoush
bebe - bcbg - zerbaft - karen millen
واذا تبين مري على المعارض تحصلين بعض المرات قطع ما تتطوف .
ولابد بتنعزمين مع أهل ريلج على عرس أو من أهلج اخذي لج dress سهره .

الجواتي :
عندج ألدو - ناين ويست - شو بوكس - سكاربي راااقي - كيرت جيغر - زارا بس يعتمد عليج اذا ترتاحين عليهم أو لأ .

الجناط :
بما انج شريتي جنطتين ماركة
باجي الجناط يكون البراند مالهم حلو وأسعارهم معقوله.
عندج givenchy - ch - just cavalli
bimba & lola جلود تحصلينهم بعضهم مابين 100 - 160

الاكسسوارات اذا عاديه عندج بالمهلب شفت كوشكات عندهم سوالف حلوة بالاكسسوارات يكونون بالدور الأرضي - روائع جنيف
واللي أكثر شي حبيته محل كله اكسسوارات لازق ببينك بيري بالافنيوز بالفيز 2 ..




أما اذا تبين براند ماركة fendi - LV - roberto cavalli - CH - YSL
hermes بس ما لهم محل بالكويت
van cleef اينن وراقي بس اقل واحد ب 1000 وشي اللي فاضي طقتني البوهه انا ورفيجتي على الاسعار بمحلهم
تلقين أغلب المحلات اللي ذكرتها بالصالحيه ماعدا roberto .

الساعات اذا تبين عمليه أرشح لج مايكل كورس - جورجيو أرماني - بربري - D&G هذول التوب تلقينهم ب on time .


تعليق


جزاكم الله خير وعساالله يوفقكم
بس انا في اسامي اول مره اسمع فيها
والله حدي متفشله من نفسي
يعني انا عمري مادخلت السالميه ولا اعرف بالماركات




انا كله بالفروانيه وتعرفون الفروانيه
مافيها ماركات ولاشغلات غريبه
واهلي زوجي كشخه وذربين وشغلهم كله غريب
وامي وخالاتي مايعرفون للماركات والسوالف الغريبه
وعماتي كشخه اهم اللي نقولي ساعاتي الماركه
بس استحي كل شوي اروح لهم
وهم بعد شوي حاطين حواجز
تكفون اذا تعرفون معارض اكتبوا لي اسمها وبأي منطقه
والمجمعات الكشخه اللي فيها جواتي وجناط
تكفون والله احس حيل متفشله وانا اكتب هالكلام
اني مااعرف شي
وحيل احاتي حمولتي بناتهم في قدي واصغر مني
بس عليهم لبس غريب وفخم
تكفون عدوني اختكم ولا تقصرون معاي
والله كل يوم ابجي من القهر
مااعرف ولا شي


تعليق


يمدحون اكسسوارات معرض 52

وانا للامانه ماشفتها


تعليق


قوه حبيبتي ..
بخصوص الاكسسوارات و الساعات حياج عندي توها واصله بضاعتي اليديده http://www.q8yat.com/search.php?searchid=9082970 و اذا مافتح معاج اللنك ما عليج الا انج تضغطين على نكي و دشي المواضيع اللي كتبتها
و عندج محل فور ايفر بس مو وايد شغلات حلوه لقطي بس اذا لقطتي شغلات تيننن و الدو و moa او شي جذي كله بالافنيوز و في ناس يمدحون اكسسوارات الفراوله و عندج الحفار
الجواتي في محل بافنيوز تلقطين عنده شغلات حلوه اسمه بايليس صوب بروي تحت و عندج ناين ويست
ساعات عندج ون تايم حلو شغله




اكثر شي روحي افنيوز عشان لا تحوسين باكثر من مكان بعدين 360
و انشالله البنات يفيدونج


تعليق


حياتي الف مبروك وعادي ياقلبي لاتستحي ولا تتفشلي
اهم شي الاخلاق واهم شي تكوني على طبيعتك
والله يوفقكي يارب وانشاءالله البنات يساعدونك ويفيدونك



تعليق


اب اب اب


تعليق


اب موفقه ياقلبي


تعليق


ماعندي خلفيه واب لعيونك


تعليق


محل بالمهلب اسمه chek




اكسسواراته جنها جواهر
25662035
99870912
والفنار في اكثر من محل اكسسوار

وعندج تاجرات المنتدي مايقصرون شغلهم واو ويوصلج لي البيت

وموفقه عسا ربي يهنيج


تعليق


مري محل تيجان بالصالحيه
عندهم اطفم شوزات وجناط للعروس موطبيعيه




٢٢٤٠٤٥٠٠


تعليق


موفقة


تعليق


اقتباس:
المشاركة الأصلية كتبت بواسطة manoooram
ابله مها أول شي ألف مبرووك قلبي وان شالله ما أقصر معاج
حبيبتي لازم تنوعين بمشترياتج ما بين الغالي والرخيص

القمصان والجاكيتات :
بما انج عروس حلاته أول الأيام تكون رزه وراقيه عندج designers lounge - فيوليت
zara عندهم الركن الكلاسيك حيل حلو - anna sui - manoush
bebe - bcbg - zerbaft - karen millen
واذا تبين مري على المعارض تحصلين بعض المرات قطع ما تتطوف .
ولابد بتنعزمين مع أهل ريلج على عرس أو من أهلج اخذي لج dress سهره .

الجواتي :
عندج ألدو - ناين ويست - شو بوكس - سكاربي راااقي - كيرت جيغر - زارا بس يعتمد عليج اذا ترتاحين عليهم أو لأ .

الجناط :
بما انج شريتي جنطتين ماركة
باجي الجناط يكون البراند مالهم حلو وأسعارهم معقوله.
عندج givenchy - ch - just cavalli
bimba & lola جلود تحصلينهم بعضهم مابين 100 - 160

الاكسسوارات اذا عاديه عندج بالمهلب شفت كوشكات عندهم سوالف حلوة بالاكسسوارات يكونون بالدور الأرضي - روائع جنيف
واللي أكثر شي حبيته محل كله اكسسوارات لازق ببينك بيري بالافنيوز بالفيز 2 ..
أما اذا تبين براند ماركة fendi - LV - roberto cavalli - CH - YSL
hermes بس ما لهم محل بالكويت
van cleef اينن وراقي بس اقل واحد ب 1000 وشي اللي فاضي طقتني البوهه انا ورفيجتي على الاسعار بمحلهم
تلقين أغلب المحلات اللي ذكرتها بالصالحيه ماعدا roberto .

الساعات اذا تبين عمليه أرشح لج مايكل كورس - جورجيو أرماني - بربري - D&G هذول التوب تلقينهم ب on time .


wai 3la rfeejtii ilksh5aaa up


تعليق

---

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>