آستفسآر بخصوص درآسة آلمآستر !

قياسي

صبآح مسآء آلخير
شلونكم !

آنآ كتبت آلموضوع وكلي آمل بمسآعدتكم ~




آنآ ودي آكمل مآستر بس مآدري وين آكمل وعلى فكرة آنآ خريجة آلتربية آلآسآسية تخصص إسلآمية
- فكرت بجآمعة آلكويت بس مآدري يقولون مآ يقبلون آلتطبيقي وحتى لو قبلوآ لآزم خبرة 3 سنين ووآيد 3 صرآحة ..؟


- آلتطبيقي هل يعطون بعثآت من عندهم حق جآمعة آلكويت..؟
- وهل في عندنآ بآلكويت جآمعآت خآصة تعطي مآستر في مجآل آلتربية ..؟
- سمعت عن آلآنتسآب برآ آلديرة بس مآدري يقولون لغوه لآني مآ آقدر آسآفر وآقعد 3 سنين برآ آلديرة
فآلآنتسآب آهون شوي ..؟
وإذآ تعرفون خيآرآت ثآنية لتكملة آلمآستر آتمنى تفيدوني


ولو فرضت كملت مآستر وين آقدر آتوظف في مجآل آلتطبيقي آو آلجآمعة يقبلوني عندهم ..؟
.
.
ويعطيكم آلف عآفية وفي ميزآن حسنآتكم آن شآء آلله



تعليق


انا افكر مثلج متخرج ودي اكمل اعتقد الجامعه العربيه المفتوحه على حسابج الخاص بس مدري جم


تعليق


آلجآمعة آلعربية للحين مآ بطلوآ فيهآ آلمآستر مآدري متى آيتبطل :




ومشكورة عآلمرور يآ بنت آلعم ~


تعليق


لحظة لحظة ... سالفه الخبرة ثلاث سنين بس اذا تبين ماجستير بالتربية ،، غير جذي مايهم لو تتخرجين ع طول من البكالوريوس وتقدمين .
هذا شي ، والشي الثاني جامعه الكويت تقبل خريجين التربية الاساسية.
بس لازم تستوفين الشروط اللي اهي تجيبين معدل التوفل ومعدلج العام والتخصص لازم يكون رقم معين ناسيته وثلاث رسايل توصية من دكاترتج..
وهذا الرابط لشروط الماجستير بجامعه الكويت




http://www.graduate.edu.kw/doc/admitted_2011_2012.doc
وع فكرة تصكر التسجيل لين شهر ٢ الجاي :s
بس شوفي نظام الغير مقيد سمعت انه بطلوه ،، اهو حق اللي معدلهم اقل من المطلوب
وسوري عالاطالة ...*


تعليق


مشكورة Angel bird مآ قصرتي




آيي آنآ آبي آكمل في مجآل آلتربية بس وآلله 3 سنين وآيد مآكو آستثنآءآت شئ ؟
آنزين جآمعة آلكويت تقبلني على طول ولآ لأزم آجيب بعثة من آلتطبيقي ..؟
ويعطيج آلعآفية يآ قلبي ..


تعليق


اعتقد ماكو تساهل بموضوع الثلاث سنين :/ بس سالي يمكن بالواسطة تمشي وانا مادري...
ولا ماله داعي تروحين للتطبيقي، قدمي اوراقج عالجامعه دايركت،، بس التسجيل مسكر الحين . يبطل عالسنة الجاية الا اذا ناوية على نظام الغير مقيد!


تعليق


مشكورة يآ قلبي Angel bird




وآيي آكيد آتوقع على نظآم آلغير مقيد لآني مآ كنت طآلبة بجآمعة آلكويت ..


تعليق


انزين بنات .. بعرف اذا بكمل ماستر لازم نفس تخصص البكالوريس .. ولا اقدر اغير ..؟؟


تعليق


اقتباس:
المشاركة الأصلية كتبت بواسطة abro0oh q8
انزين بنات .. بعرف اذا بكمل ماستر لازم نفس تخصص البكالوريس .. ولا اقدر اغير ..؟؟
لآ عآدي تقدرين آتغيرين
بس حسب مآ سمعت آن آلآفضل في نفس آلمجآل
وموفقة ..


تعليق


لا استثنائية نظام الغير مقيد بس اذا مو مستوفية شرط المعدل ،، شوفي التخصص اللي تبينه جم يبي معدل وانتي يحق لج تقدمين نظام المقيد من قالج هالحجي ! اخذي الكلام مني ماعلييج





و abroooh q8
عادي اي تخصص بس بعض التخصصات تطلب تخصصات معينة والاغلب عادي اي تخصص يقبلون، انتي شوفي شروط التخصص اللي عاجبج..


تعليق


صج @@
عآد آنآ كله آسمعهم يقولون آلمقيد آهوآ آللي درس بجامعة آلكويت ومستوفي شرط آلمعدل
آمآ آلغير مقيد آهوآ آللي مآ درس بجآمعة آلكويت آو آللي درس بس معدله نآزل عن آلمطلوب
آنزين Angel bird بمآ آنه عندج خلفية بهآلموضوع مآ شآء آلله بقيت آعرف منج إذآ فرضآ كملت مآستر بجآمعة آلكويت وين آقدر آتوظف عقب ..؟
وآلله يوفقج يآرب آنتي آلوحيدة آللي جآبرة بخآطري لووول



تعليق


هذي شروط التقديم للماجستير وانتبهي ع اول شرط:

1-​أن يكون المتقدم حاصلا على درجة الإجازة الجامعية (البكالوريوس) أو ما يعادلهــا من جامعة الكويت أو(((أية جامعة أو مؤسسة أكاديمية أخرى معتمدة) .
2-​ألا يقل المعدل العام في الإجازة الجامعية الأولى عـن(2.67) ومن سلم النقاط التسع( 5.01)ومعدل التخصـص عـن(3.00) نقطة ومن سلم النقاط التسع( 6.00) و (80%) لبرنامج كلية الحقوق من جامعة الكويت ،ما عدا برنامج المكتبات ونظم المعلومات وإدارة الإعمال والاقتصاد يتطلب معدل عام فقط على أن لا يقل عن (2.67 ) من سلم النقاط الأربع .
3- يشترط على المتقدمين لبرنامج ماجستير التربية تقديم شهادة دبلوم الإعداد التربوي لغير خريجي كلية التربية.
4-اجتياز المقابلة الشخصية أو اختبار القبول التي تتطلبها بعض البرامج.
5- إحضار شهادة (icdl) أو ما يعادلها إن وجدت لبرنامج المكتبات ونظم المعلومات.
6- يكون المتقدم مستوفيا لأية شروط إضافية للبرنامج الذي يود الالتحاق به.
7- *على المتقدمين تقديم نتيجة الكفاية اللغوية وأي نتائج مطلوبة مع تقديم الطلب .
8- تقديم درجة gmat لبرنامج المحاسبة وسيتم اخذ النتيجة بالاعتبار .

وبالنسبة لفايدتها والله مادري ، بس جنه زيادة بسيطة بالراتب واولوية بالترقيات او شي جذي . بس يمكن تقدرين تستفيدين من ماجستير التربية بوظايف حلوة .. واي شي انا حاضرة اذا اعرفه مابقصر معاج، المعلومات ببلاش ولايهمج ؛)


تعليق


يعطيج آلف عآفية Angel bird
مآ قصرتي وآلله ’


تعليق


انا احب اقدم باي مكان الا بجامعة الكويت يقولون دكاترتهم شايفين نفسهم والصراحه شروطهم صعبه وتعجيزيه كل شي يبون


تعليق


بس آهيآ آلآضمن زقرتية




وبعدين وين آكو جآمعآت عندنا بآلكويت تعطي مآستر غيرهآ ..؟


تعليق

---

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>